नेकपा एसका नेतासँग छलफललगत्तै देउवा पुगे बालुवाटार
नेपाल प्रेस
२०७९ फागुन १० गते १८:४५
फाइल तस्विर
काठमाडौं । नेकपा एकीकृत समाजवादीका नेताहरुसँगको बैठकलगत्तै कांग्रेस सभापति शेरबहादुर देउवा बालुवाटार पुगेका छन् ।
प्रधानमन्त्री पुष्पकमल दाहाल प्रचण्डसँग राष्ट्रपतिबारे छलफल गर्न देउवा बालुवाटार पुगेका हुन् ।
यसअघि नै कांग्रेस उपसभापति पूर्णबहादुर खड्का बालुवाटार पुगिसकेका छन् ।
सचिवालय बैठकलगत्तै नेकपा एसका अध्यक्ष माधव नेपालसहित महासचिव वेदुराम भुसाल, घनश्याम भुसाल र प्रवेश हमाल देउवा निवास पुगेका थिए ।
बैठकमा कांग्रेसको तर्फबाट सभापति देउवासँगै वरिष्ठ नेता रामचन्द्र पौडेल, महामन्त्री गगन थापालगायतका नेताहरु सहभागी थिए ।
प्रधानमन्त्री प्रचण्डसँग बिहान एमाले अध्यक्ष केपी शर्मा ओलीले पनि छलफल गरेको थिए । प्रधानमन्त्री प्रचण्डले राष्ट्रिय सहमतिको अडान नछाडेपछि सत्ता गठबन्धन भत्किने सम्भावना बढेको छ ।
नेपाल प्रेस
प्रकाशित: २०७९ फागुन १० गते १८:४५
प्रतिक्रिया
सम्बन्धित खवर
