बालुवाटार बैठकः नेपाललाई राष्ट्रपति बनाउन प्रचण्डको प्रस्ताव, कांग्रेस मानेन

काठमाडौं । चुनावअघिको पुरानो गठबन्धनको बैठकमा प्रधानमन्त्री पुष्पकमल दाहाल प्रचण्डले नेकपा एकीकृत समाजवादीका अध्यक्ष माधव नेपाललाई राष्ट्रपति बनाउन प्रस्ताव गरेका छन् ।

माओवादी, नेकपा एस र जसपाको बिहीबार साँझ भएको सहमतिअनुसार प्रधानमन्त्री प्रचण्डले कांग्रेससहितको बैठकमा अध्यक्ष नेपालको नाम अघि सारेका हुन् ।

बैठकमा सहभागी नेकपा एसका नेता प्रकाश ज्वालाले भने, ‘प्रचण्डजीले माधवजीलाई राष्ट्रपतिमा प्रस्ताव गर्नुभयो । तर, कांग्रेसले पनि अडान छाडेको छैन । त्यही भएर आन्तरिक छलफल गरेपछि फेरि बस्नेगरी उठेका हौं ।’

तर, कांग्रेसले पाँच वर्षभित्र माधव नेपाललाई पनि एकवर्ष प्रधानमन्त्री बनाएर राष्ट्रपति आफैंले राख्ने प्रस्ताव अघि सारेको छ ।