सुगम पोखरेलको अलिखित उपन्यास सार्वजनिक

काठमाडौं । गायक सुगम पोखरेलको ‘तिलस्मी काठमाडौं’ सङ्ग्रहमा समावेश भएको ‘अलिखित उपन्यास’ बोलको गीतको भिडियो सार्वजनिक भएको छ ।

गीतमा गायक सुगमले नै शब्द र संगीत दिएका छन् भने संगीत संयोजन मोहित मुनाल र लोकेन्द्र सुब्बाले गरेका हुन ।

गीतलाई दिनेश थापा र लोकेन्द्र सुब्बाले खिचेका हुन भने सम्पादन इन्टेन्स यिल्डका सुप्रिम पराजुलीले गरेका हुन ।

गीतको भिडियो सुगमकै अफिसियल युट्युब मार्फत सार्वजनिक गरिएको छ । पछिल्लो समय चलचित्रका गीतमा व्यस्त भएपनि आफ्नो गीति सङ्ग्रह पनि निकालिरहेका सुगमले अर्को गीति सङ्ग्रहको तयारी गरिरहेको पनि जानकारी दिए ।