भारतीय तरकारी बिषादी जाँच नगरी भित्र्याउन लागेकाे विराेधमा तरकारी फालेर अनेरास्ववियुको प्रदर्शन (भिडिओ)

काठमाडौं । एमाले निकट विद्यार्थी संगठन अनेरास्ववियुले त्रिचन्द्र क्याम्पसअगाडि प्रदर्शन गरेको छ ।

भारतबाट आउने तरकारीमा विषादी परीक्षण नगरी नेपाली बजारमा भित्र्याउने सरकारको कदमप्रति विरोध जनाउँदै प्रदर्शन गरेको हो । अनेरास्ववियुका विद्यार्थीहरुले क्याम्पसअगाडि तरकारीहरु बीच बाटोमा फालेर विरोध गरेका थिए ।

उनीहरुले किसान मार्न पाइदैन, भारतीय दलाल होसियार, जनतामार सरकार मुर्दावाद जस्ता नारा लगाउँदै प्रधानमन्त्री पुष्पकमल दाहाल प्रचण्डविरुद्ध नाराबाजी गरेका थिए । उनीहरुले भारतबाट आउने तरकारी अनिवार्य विषादी परीक्षण गर्न माग समेत गरेका छन् ।   सरकारले भारतबाट आउने तरकारीहरु विषादी परीक्षण नगरी बजार पठाउन दिइने निर्णय गरेको थियो ।