प्रचण्ड नेतृत्वकाे सरकार निरन्तर रहन्छ : कांग्रेस उपसभापति खड्का (भिडिओ)
२०७९ फागुन १७ गते १७:१८
सुर्खेत । नेपाली कांग्रेसका उपसभापति पूर्णबहादुर खड्काले प्रधानमन्त्री पुष्पकमल दाहाल प्रचण्ड नेतृत्वकाे सरकार निरन्तर अघि बढ्ने दाबी गरेका छन् ।
बुधबार सुर्खेत विमानस्थलमा भएकाे पत्रकार सम्मेलन उनले प्रचण्डले नेतृत्व गरेकै सरकार निरन्तर अघि बढ्ने दाबी गरेका हुन् ।
उपसभापति खड्काले आफू मन्त्री बन्ने लाइनमा नभएकोसमेत खुलाए ।
‘म मन्त्री बन्दिनँ भनेर ७ वर्ष अगाडि भनेको थिएँ’, उनले भने ।
नेकपा एमालेका अध्यक्ष केपी शर्मा ओलीले आफ्नो हातमा राष्ट्रपति र प्रधानमन्त्रीको पद भए भने फेरि संसद विघटन गर्छु भन्ने स्पष्ट सन्देश दिएकाले प्रधानमन्त्री प्रचण्ड झस्किएको उनको भनाइ छ ।
उपसभापति खड्काले विश्वासघातको परिणाम अहिले नयाँ घटनाक्रमले देखाएको बताए ।
प्रकाशित: २०७९ फागुन १७ गते १७:१८
प्रतिक्रिया
सम्बन्धित खवर
