तस्बिरमा हेर्नुस् होलीजस्तै ‘ला टोमाटिनो फेस्टिभल’

काठमाडौं । ग्लोबल टुरिजम प्रमोसन काउन्सिलले होलीको अवसरमा होली तथा ला टोमाटिनो फेस्टिभल आयोजना गरेको छ ।

नेपाली संस्कृतिसँगै विदेशी संस्कृतिको आदान प्रदान गर्न मद्दत गर्ने उद्देश्यले फेस्टिभल आयोजना गरिएको हो । कार्यक्रम आज दिउँसो १२ बजेदेखि नेपाल स्काउट लैनचौरमा आयोजना भएको हो ।

ला टोमाटिनो फेस्टिभल स्पेनमा आयोजना हुने प्रख्यात पर्व हो । ला टोमाटिनाे फेस्टिभल नेपालमा मनाइने होली जस्तै पर्व हो यद्यपी यस फेस्टिभलमा रङ तथा पानीको विकल्पमा पाकेको टमाटर प्रयोग गरिने गरिन्छ ।

आयोजकले टोमाटिनो फेस्टिभलका लागि ४० क्रेट टमाटर किसानबाट खरिद गरेको हो । फेस्टिभलमा महिला कबड्डीको पनि आयोजना गरिएको थियो ।