राष्ट्रपतिबारे निर्णय लिन राप्रपा कार्यसम्पादन समिति बैठक धुम्बाराहीमा

काठमाडौं । राष्ट्रिय प्रजातन्त्र पार्टी (राप्रपा) को केन्द्रीय कार्यसम्पादन समितिको बैठक सुरु भएको छ। राष्ट्रपति निर्वाचनका बारेमा कसलाई समर्थन गर्ने भन्ने विषयमा निर्णय लिन पार्टी केन्द्रीय कार्यालय धुम्बाराहीमा बैठक बसेको हो।

बैठकमा छलफलमा राष्ट्रपति निर्वाचनबारे छलफल भइरहेको प्रवक्ता मोहन श्रेष्ठले बताए। उनका अनुसार समसामयिक राजनीतिक विषय पनि बैठकका एजेन्डा छन् ।

पुष्पकमल दाहाल नेतृत्वको सरकारलाई दिएको समर्थन फिर्ता लिँदै सरकारबाट बाहिरिएको राप्रपाले राष्ट्रपतिमा कसलाई मत दिने भन्ने निर्णय गरिसकेको छैन ।

यसअघि नौ दलीय गठबन्धनका रामचन्द्र पौडेल र एमालेका सुवास नेम्वाङले छुट्टाछुट्टै भेटेर लिङदेनसँग भोट मागिसकेका छन् ।