समीक्षा, सुवास र सुनिताको स्वरमा ‘रुँदै हिँड्नु पर्छ’ सार्वजनिक

काठमाडाैं । गायिकाहरू समीक्षा अधिकारी र सुनिता बुढा क्षेत्री र गायक सुवास खत्रीको स्वरमा रहेको ’रुँदै हिँड्नु पर्छ ’बोलको नयाँ म्युजिक भिडियो सार्वजनिक गरिएको छ ।

’रुँदै हिँड्नु पर्छ ’ बोलको लोक तथा दोहोरी गीतमा सुजित खत्रीको शब्द तथा हेमन्त कान्छा रसाइलीको संगीत रहेको छ।

गीतमा सारिका केसी र दिनेश पुरीको अभिनय देख्न सकिन्छ । गीतमा परदेशी भूमिमा जीवनमा सुनौला सपना बोकेर हिँडेका युवाहरूको पिडा र व्यथालाई गीतमा समेटिएको छ ।

विशाल घिमिरेको निर्देशन रहेको भिडियोको छायाँकन नवराज उप्रेतीले गरेका हुन भने सम्पादन नवीन घर्ति मगरले गरेका छन् । गीतको भिडियोलाई सुवास खत्रीको अफिसियल युट्युब मार्फत बजारमा ल्याइएको छ ।