कैलालीको घोडाघोडी क्याम्पसको स्ववियु सभापतिमा अखिल क्रान्तिकारीका सहकारी विजयी
नेपाल प्रेस
२०७९ चैत ६ गते १६:२४
कैलाली । जिल्लास्थित घोडाघोडी बहुमुखी क्याम्पसको स्वतन्त्र विद्यार्थी युनियनको सभापतिमा अखिल (क्रान्तिकारी)का प्रेमबहादुर सहकारी निर्वाचित भएका छन् । उनले ४९८ मत ल्याएका छन् ।
सुरुदेखि अग्रता लिएका उनले निकटतम प्रतिद्वन्द्वी स्वतन्त्र उम्मेदवार विनोद चौधरीलाई दोब्बरभन्दा बढी मतान्तरले पछि पारेका हुन् ।
स्वतन्त्र उम्मेदवार चौधरीले २६७ मत प्राप्त गरे । त्यस्तै अनेरास्ववियुका कपिल सापकोटाले २०६, नेविसंघका बिन्द्राकुमारी जैशीले १८७ मत पाएका छन् ।
कुल २ हजार २४७ जना मतदाता रहेकोमा १ हजार ३९६ मत खसेको थियो । सचिवमा हुकुम आचार्य ४९८ मत ल्याएर विजयी भएका छन् ।
नेपाल प्रेस
प्रकाशित: २०७९ चैत ६ गते १६:२४
प्रतिक्रिया
सम्बन्धित खवर
