ह्याम्स अस्पतालको हेलिप्याडमा अवतरण गर्ने क्रममा हेलिकोप्टरको पंखा खस्यो
नेपाल प्रेस
२०७९ चैत २५ गते १५:३३
फाइल तस्बिर ।
काठमाडौं । धुम्बाराहीस्थित ह्याम्स अस्पतालको हेलिप्याडमा ल्याण्ड हुने क्रममा डायनिस्टक एयरको हेलिकोप्टरको पंखा खसेको छ ।
ह्याम्सका डाक्टरलाई चितवन लिएर जानका लागि त्रिभुवन विमानस्थलबाट हेलिप्याडमा अवतरण गर्दा पछाडिको पंखा खसेको ह्याम्सका अध्यक्ष आरएस भण्डारीले जानकारी दिए ।
हेलिकोप्टरको पंखा खसेपछि डाइनेस्टीको हेली लिएर डाक्टरको टोली चितवन पठाइएको भण्डारीले बताए ।
पंखा खसेको हेलिकोप्टर अस्पतालको हेलिप्याडमै छ । प्राविधिक आएर बनाएपछि लैजाने तयारी छ । सो घटनामा चालक सकुशल रहेको प्रहरीले जनाएको छ ।
नेपाल प्रेस
प्रकाशित: २०७९ चैत २५ गते १५:३३
प्रतिक्रिया
सम्बन्धित खवर
