‘प्रसाद २’ बैशाख १५ मा रिलिज हुने
नेपाल प्रेस
२०७९ चैत २८ गते १६:२९
काठमाडौं । उच्च अदालत पाटनको अल्पकालीन अन्तरिम आदेशका कारण रोकिएको फिल्म ‘प्रसाद २’को प्रदर्शन अब नयाँ मितिमा हुने भएको छ । निर्माण पक्षले फिल्म आउँदो बैशाख १५ गते रिलिज गर्ने पक्का भएको जनाएको छ ।
उच्च अदालत पाटनले फिल्म रोक्नु सुविधाजनक नहुने भन्दै अन्तरिम आदेश सुनाएपछि फिल्म रिलिजको बाटो खुलेको थियो ।
यसअघि चैत २४ गते रिलिज गर्ने मिति तोकिएको चलचित्रमा विपीन कार्की, केकी अधिकारी, अर्पण थापा, महेश त्रिपाठीलगायतको मुख्य भूमिका छ ।
सुदर्शन थापाको निर्देशनमा तयार भएको चलचित्रको निर्माता सुदर्शन बस्नेत हुन् । सुभाष थापाको प्रस्तुतिमा तयार भएको चलचित्रको कथा सुशील पौडेलले लेखेका हुन् ।
नेपाल प्रेस
प्रकाशित: २०७९ चैत २८ गते १६:२९
प्रतिक्रिया
सम्बन्धित खवर
