रवि लामिछानेका चालक थापाको स्वास्थ्य अवस्था बुझ्न पुगे मोहन बस्नेत
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/04/Mohan-Basnet.jpg)
काठमाडौं । नेपाली कांग्रेसका सांसद मोहन बस्नेतले राष्ट्रिय स्वतन्त्र पार्टीका सभापति रवि लामिछानेका सवारी चालक शम्भु थापाको स्वास्थ्य अवस्था बुझेका छन् ।
सोमबार छतबाट खसेर गम्भीर घाइते भएका थापाको भरतपुरस्थित पुरानो मेडिकल कलेज पुगेर सांसद बस्नेतले स्वास्थ्य अवस्थाको बारेमा जानकारी लिएका हुन् । सवारी चालक थापा सिन्धुपाल्चोकको बाह्रविसे नगरपालिका हो ।
अस्पतलमा पुगेर थापाको पछिल्लो अवस्थाको बारेमा चिकित्सकसँग छलफल गरेको उनले बताए । अस्पताल पुर्याउँदाको अवस्थाभन्दा अहिले स्वास्थ्यमा सुधार आएको जानकारी डाक्टरहरुबाट प्राप्त भएको बताए ।
उनले उपचारका निमित्त कुनै कुराको अभाव हुन नदिन आग्रह गर्दै आवश्यक सहयोग गर्ने घाइतेका परिवार र अस्पताल प्रशासनसँग प्रतिबद्धता गरेको बताए ।