रेस्लर जुरेलीलाई महिला अभिनेत्री अवार्ड
नेपाल प्रेस
२०८० वैशाख १० गते १३:३०
काठमाडौं । काठमाडौंमा शनिबार सम्पन्न ‘तेस्रो हिमालयन अन्तर्राष्ट्रिय अवार्ड २०२३’ मा मोडल अस्मिता सुनार जुरेलीले ‘सिहदरबार (रेलको बाटो २)’ गीतबाट ‘महिला अभिनेत्री’ अवार्ड जितेकी छन् ।
उनलाई नेपाली पहिलो रंगीन फिल्म ‘कुमारी’ की अभिनेत्री चैत्यदेवी सिंहले अवार्ड प्रदान गरेकी हुन् । अस्मिता गायिका र रेस्लर पनि हुन् ।
सुरज पण्डितको शब्द, संगीत र स्वर रहेको यो गीतमा अस्मिता र सुरजले अभिनय गरेका छन् । लक्ष्मण सुनार निर्देशित भिडियोमा कुलदीप अधिकारी अतिथि भूमिकामा छन् ।
भिडियोमा निशल पौडेलको छायांकन, मिलन विश्वकर्माको कलर, पदम सुवेदीको सम्पादन छ ।
नेपाल प्रेस
प्रकाशित: २०८० वैशाख १० गते १३:३०
प्रतिक्रिया
सम्बन्धित खवर
