गेस्टहाउसमा बोलाएर बलात्कार गरेको भन्दै ७५ वर्षीय श्रीमान्लाई जेठी श्रीमतीले हालिन् मुद्दा
काठमाडौं । अंश मुद्दा जारी रहँदा श्रीमान्ले गेस्ट हाउसमा बोलाएर बलात्कार गरेको भन्दै जेठी श्रीमतीले प्रहरीमा जाहेरी दिएकी छन् । प्रहरीले हालैमात्र अनुसन्धान सकेर सरकारी वकिलमार्फत अदालतमा मुद्दा दायर गरेको छ ।
रौतहटको चन्द्रपुर स्थायी घर भएका ७५ वर्षका वयोवृद्ध आरोपी र जाहेरवालाबीच ३० वर्षदेखि सम्बन्ध बिग्रिएको थियो । श्रीमान्ले कान्छी श्रीमती ल्याएपछि उनीहरूबीच सम्बन्ध चिसिएको बताइएको छ ।
बेग्लै बस्दै आएकी जेठी श्रीमतीले छोराछोरी ठूला भएपछि श्रीमान्विरुद्ध अंश मुद्दा हालेकी थिइन्। रौतहट जिल्ला अदालतले जेठी श्रीमतीको पक्षमा फैसला गरेपनि श्रीमान्ले विभिन्न ठाउँमा बोलाएर झुलाउने काम गरेको जाहेरवालाको आरोप छ ।
ती महिलाका अनुसार २०७९ वैशाख २२ गते जग्गाको विषयमा कुराकानी गर्ने भनेर गेस्ट हाउसको कोठाभित्र लगेर श्रीमानले बलात्कार गरेका थिए । घटना पुरानाे भए पनि प्रहरीले अनुसन्धान सकेर भर्खरै मुद्दा हालेकाे हाे ।
बैबाहिक बलत्कारको हदम्याद तोकिनु पर्छ।