एसीसी प्रिमियर कप सेमिफाइनल : पानी रोकिएर खेल सुचारु हुने प्रतीक्षामा दर्शक (तस्बिरहरु)

काठमाडौं । त्रिवि मैदानमा पानी दर्किएपछि एसीसी प्रिमियर कपअन्तर्गत नेपाल र कुवेतबीचको सेमिफाइनल खेल अवरुद्ध बनेको छ । नेपालको ब्याटिङको मजा लिइरहेका घरेलु दर्शकहरु निराश बनेका छन् ।

खेल सकिनुअघिसम्म नेपालले खेलमा पकड बनाइरहेको थियो । ओपनरहरुले विष्फोटक सुरुवात दिलाएपछि ३ रनभित्रै तीन विकेट गुमाए पनि कप्तान रोहित पौडेल र कुशल मल्लले बलियो साझेदारी गरिरहेका छन् । नेपालले २३.२ ओभरमा १४१ रन बनाउन पानी पर्न थालेपछि खेल रोकिएको हो ।

पानी रोकिएर खेल सुचारु हुने प्रतिक्षामा दर्शहरु मैदानबाहिर छाता ओढेर बसिरहेका छन् । कतिपय दर्शकहरु यत्तिकै रुझिरहेका छन् । मौसम हेर्दा केही भन्न सकिने अवस्था छैन । यदि आजको खेल रद्द भएको खण्डमा नेपाल सोझै फाइनलमा पुग्ने छ । यद्यपि, दर्शकहरु नेपालले खेल जितेरै फाइनलमा स्थान बनाएको हेर्न चाहन्छन् ।