निरा पाण्डेको हत्यारा पहिचान गरी कारबाहीको माग गर्दै प्रदर्शन (तस्बिरहरु)
२०८० वैशाख १६ गते १४:११
काठमाडौं । काठमाडौंको कपनस्थित सरस्वतीनगरमा आफ्नै भाँडा पसलमा हत्या गरिएकी निरा पाण्डेको हत्यारा सार्वजनिक गर्न माग गर्दै प्रदर्शन गरिएको छ ।
आज पाण्डेका आफन्त, नागरिक समाज र अभियन्ताहरुले माइतीघरदेखि नयाँ बानेश्वरस्थित संसद भवनसम्म प्रदर्शन गरेका हुन् ।
प्रदर्शनकारीले खुनको बदला खुन जस्ता प्लेकार्ड बोकेर प्रदर्शन गरेका छन् ।
३५ वर्षीया पाण्ड वैशाख ७ गते मातातीर्थ औंसीका दिन आफ्नै भाँडा पसलमा हत्या गरिएको अवस्थामा भेटिएकी थिइन् । पसलमा आइपुगेका व्यक्तिले देखेपछि उक्त घटना सार्वजनिक भएको थियो ।
प्रहरीले हालसम्म घटनामा संलग्नलाई पहिचान गर्न सकेको छैन । केन्द्रीय अनुसन्धान ब्यूरोले समिति गठन गरी छानबिन गरिरहेको छ ।
प्रकाशित: २०८० वैशाख १६ गते १४:११
प्रतिक्रिया
सम्बन्धित खवर
