सन्दीपले लिए मुस्तफाको विकेट, नेपाललाई पाँचौँ सफलता
नेपाल प्रेस
२०८० वैशाख १८ गते १०:२०
काठमाडौं । स्पिनर सन्दीप लामिछानेले यूएईका रोहन मुस्तफालाई आउट गर्दै जारी एसीसी प्रिमियर कपको फाइनलमा नेपाललाई पाँचौँ सफलता दिलाएका छन् ।
आफ्नो स्पेलको दोस्रो ओभर बलिङमा आएका सन्दीपले पहिलो बलमै मुस्तफालाई कुशल मल्लबाट क्याच आउट गरे । यूएईका अलराउन्डर मुस्तफा १५ बल खेल्दा २ रन बनाएर आउट भए ।
यसअघि, नेपालका करण केसीले दुई तथा, सोमपाल कामी र ललित राजवंशसीले समान एक विकेट लिएका थिए ।
त्रिवि क्रिकेट मैदानमा टस हारेर ब्याटिङमा निम्त्याइएको यूएईका तीन ब्याटरले दोहोरो अंकमा रन बनाउन नसकी आउट भएका छन् ।
यो समाचार लेखिसक्दा यूएईले १४ ओभरको समाप्तिमा ५२ रन जोडेर ५ विकेट गुमाइसकेको छ । क्रिजमा आसिफ खान र बसिल हमिद छन् ।
नेपाल प्रेस
प्रकाशित: २०८० वैशाख १८ गते १०:२०
प्रतिक्रिया
सम्बन्धित खवर
