राप्रपाको महिला संगठनको अध्यक्षमा अञ्जना सर्वसम्मत
नेपाल प्रेस
२०८० वैशाख २५ गते १८:४५
काठमाडौं । राष्ट्रिय प्रजातान्त्रिक महिला संगठनको अध्यक्षमा अञ्जना शाह रावल चयन भएकी छन् ।
काठमाडौंमा भएको महाधिवेशनबाट रावल अध्यक्षमा सर्वसम्मति चयन भएको राष्ट्रिय प्रजातन्त्र पार्टीका प्रवक्ता मोहन श्रेष्ठले बताए ।
उनका अनुसार उपाध्यक्षहरुमा संगीता मल्ल (धनुषा), सिजन श्रेष्ठ (काठमाडौं) र सरस्वती श्रेष्ठ (रामेछाप), महासचिवमा कुमारी स्याङ्तान (सिन्धुपाल्चोक) र रञ्जु सेन (कास्की) तथा सचिवमा चम्पा अधिकारी (काठमाडौं) चयन भएका छन् ।
उनले नवनिर्वाचित कार्यसमितिलाई बधाई दिँदै सबल भ्रातृ संगठनको जगमा उभिएर नवीन राप्रपा निर्माण गर्न आग्रह गरेका छन् ।
नेपाल प्रेस
प्रकाशित: २०८० वैशाख २५ गते १८:४५
प्रतिक्रिया
सम्बन्धित खवर
