कांग्रेसको घोषणापत्र लेखिदिएको स्वर्णिमको भनाईमा राजेन्द्र बजगाईँको आपत्ति (भिडिओ)

काठमाडौं । सोमबारको प्रतिनिधिसभा बैठकमा राष्ट्रिय स्वतन्त्र पार्टीका संसद डा. स्वर्णिम वाग्लेले कांग्रेसको घोषणापत्र आफूले बनाइदिएको भनेपछि मंगलबारको बैठकमा कांग्रेस सांसद राजेन्द्र बजगाईँले आपत्ति जनाएका छन् ।

बजगाईँले भने, ‘हामीले घोषणापत्र बनाउन वाग्लेलाई सहयोग माग्यौं । तर, उहाँले मैलै बनाइदिएको घोषणापत्र प्रतिविम्बित गर्नुपर्छ भन्नुभयो यो छुच्याइँ हो । तपाईँ पनि यो सदनमा प्रवेश गर्नुभयो मर्यादा ख्याल गर्नुहोला ।’

बजगाईँले स्वर्णिमले दिएको रचनात्मक सुझावको सम्मान गर्ने पनि बताए । साथै अर्थमन्त्री डा. प्रकाशशरण महत झूटो नबोल्ने भएकाले उहाँले खरो रूपमा उत्रेर काम गरिरहेको भन्दै बचाउ गरे ।

सोमबार डा. वाग्लेले अर्थमन्त्रीलाई लक्षित गर्दै ‘नेपाली कांग्रेसको घोषणापत्र पढ्नु भएको नै होला । थोर बहुत मैले पनि लेखिदिएकै हो । त्यहाँ आर्थिक सुधारका कुराहरू गरिएका छन् भनेका थिए ।’

साथै वाग्लेले आफ्नै घोषणा पत्र पढेर त्यसलाई कार्यान्वयनमा उतार्न अर्थमन्त्रीलाई सुझाएका थिए ।