आरजुलाई तोसिमा कार्कीको प्रश्न- भ्रष्टाचारमा कहाँ लिंग जोडिएको हुन्छ ? (भिडिओ)

काठमाडौं । राष्ट्रिय स्वतन्त्र पार्टीकी सांसद डा. तोसिमा कार्की नक्कली भुटानी शरणार्थी प्रकरणका दोषीलाई जोगाउन खोजेको आरोप लगाएकी छन् ।

मंगलबार प्रतिनिधिसभाको बैठकमा बोल्दै पक्राउ पुर्जी जारी भइसकेपछि पनि दोषीलाई जोगाउन खोजेको बताइन् ।

उनले भनिन्, ‘एकले अर्कालाई जोगाइरहने, काण्डै काण्ड गरिरहने अनि यो देश डुबाइरहने ? अन्तराष्ट्रियस्तरमा समेत राष्ट्रलाई नै दलाली साबित गर्ने ? अनि के मुखले अनुदान माग्न जाने ?’

उनले कांग्रेस सांसद तथा सभापति शेरबहादुर देउवापत्नी आरजु राणालाई संकेत भ्रष्टाचारमा कहाँ लिङ्ग जोडिएको हुन्छ ? भन्दै प्रश्न गरिन् ।

नक्कली शरणार्थी प्रकरणमा आरजुको पनि नाम मुछिएपछि उनले महिला हिंसाको कुरा उठाएकी थिइन् ।

उनले आरजुलाई लक्षित गर्दै भनिन्, ‘एक महिला माननीयज्यूले भन्नुभयो टेप काण्डको अनुसन्धान माग गर्दा महिलाविरोधी भयो, महिला हिंसा भयो । मलाई उत्तर दिनुपर्‍यो । भ्रष्टाचारमा कहाँ लिंग जोडिएको हुन्छ ? भ्रष्टाचारीमात्र होइन यहाँ चिनारी फेरिएर राष्ट्रघात भएको छ । अपराध भएको छ । कारबाही हुनुपर्छ ।’