एमालेको सचिवालय बैठक सुरु
नेपाल प्रेस
२०८० वैशाख २६ गते १५:२८
काठमाडौं । प्रमुख प्रतिपक्ष दल नेकपा एमालेको सचिवालय बैठक सुरु भएको छ । पार्टी केन्द्रीय कार्यालयमा च्यासलमा बैठक बसिरहेको छ ।
बैठकमा आगामी केन्द्रीय समितिमा प्रस्तुत गरिने विषय र छलफल गरिने एजेन्डा तय गर्ने जनाइएको छ । एमालेको केन्द्रीय समिति बैठक यही वैशाख २८ देखि सुरु हुँदैछ ।
गत मंसिर ४ मा सम्पन्न निर्वाचन तथा हालै गरिएको मिसन ग्रासरुटको समीक्षालगायतका एजेन्डा आगामी बैठकमा छलफल हुने बुझिएको छ ।
यस्तै बैठकमा नक्कली भुटानी शरणार्थी प्रकरणमा मुछिएका पार्टी सचिव तथा सांसद टोपबहादुर रायमाझीबारे पनि केही निर्णय लिनसक्ने बताइन्छ ।
नेपाल प्रेस
प्रकाशित: २०८० वैशाख २६ गते १५:२८
प्रतिक्रिया
सम्बन्धित खवर
