एमाले बैठक : आज प्रतिवेदनमाथि समूहगत छलफल

काठमाडौं । नेकपा एमालेको केन्द्रीय कमिटीको बैठकअन्तर्गत आज दोस्रो दिन समूहगत छलफल तय गरिएको छ ।

आजको बैठकमा अध्यक्ष केपी ओलीद्वारा बिहीबार प्रस्तुत राजनीनित प्रतिवेदनमाथि ८ समूहमा छलफल हुनेछ ।

त्यस्तै, मिसन ग्रासरुट अभियानको समीक्षा बाँकी प्रदेशको पेश भएपछि समूहगत छलफल हुने प्रवक्ता पृथ्वीसुब्बा गुरुङले बताए ।

हिजो मिसन ग्रासरुट अभियानको समीक्षाअन्तर्गत सुदूरपश्चिमका संयोजक लेखराज भट्टले, कर्णालीको सचिव योगेश भट्टराईले र कोशी प्रदेशको राजेन्द्र गौतमले रिपोर्ट प्रस्तुत गरेका थिए ।

एमाले बैठक भोलिसम्म सञ्चालन हुनेछ ।