‘कांग्रेस रुपान्तरण अभियान’ ले सातवटै प्रदेश र प्रवासमा सभा गर्ने

काठमाडौं । युवा नेताहरूले सुरू गरेको कांग्रेस रुपान्तरण अभियानअन्तर्गत देशैभर भेला तथा अन्तरक्रिया गरिने भएको छ ।

नेताहरू गुरु घिमिरे, डा. गोविन्दराज पोखरेल, मधु आचार्य, रञ्जित कर्ण, भुपेन्द्रजंग शाहीसहितको टीमले सुरू गरेको अभियानअन्तर्गत सातवटै प्रदेश र प्रवासको कार्यक्रम तय गरिएको हो ।

आज विशेष पत्रकार सम्मेलन गर्दै अभियानका नेताहरूले पछिल्ला तीन दशकमा कैयन् पटक सरकारको नेतृत्व गर्न पुगेको कांग्रेस अलमलिएको बताए ।

अभियानको औचित्यबारे विज्ञप्तिमा भनिएको छ, ‘कांग्रेसका कमी कमजोरीहरूबाट फाइदा उठाएर देशको राजनीतिमा उग्रवामपन्थी र दक्षिणपन्थी शक्तिहरूको उदय भयो । तसर्थ अब कांग्रेसले आफ्नो इतिहासलाई साक्षी राखेर नयाँ कांग्रेस निर्माण गर्नुपर्छ, कांग्रेस रुपान्तरणको अभियानलाई अगाडि बढाउनुपर्ने टड्कारो अवश्यकता यही हो ।’

बीपी कोइरालाको ‘पार्टी सत्तामा गएपछि पार्टीलाई सुकिला मुकिलाहरूले कब्जा गर्नेछन् र त्यसको विरुद्ध सच्चा कांग्रेसीहरूले एकपटक फेरि लड्नु पर्नेछ’ भनाइ आजको तीतो यथार्थ भएको विज्ञप्तिमा उल्लेख छ ।

नेपाली कांग्रेस जमेको पोखरीजस्तै भएकाले चाल, चरित्र र चेहरालाई परिवर्तन गर्न जरुरी भएको नेताहरूले बताएका छन् ।

‘कांग्रेसभित्र गैरकांग्रेसी चरित्रले बास गरेको छ । आज कांग्रेसभित्र नैतिक शक्तिको क्षय भएको छ । हामी राजनीतिमा नैतिक शक्तिलाई जोड्छौं संक्षिप्तमा भन्नुपर्दा अहिलेको अवस्थामा कोरोनाको डेल्टा भाइरस झैं संक्रमित भएको कांग्रेसलाई रुपान्तरण गर्छौं’, विज्ञप्तिमा उल्लेख छ ।

यस्तो छ रुपान्तरित नेपाली कांग्रेस अभियानको विज्ञप्ति