विश्व प्रसिद्ध कमेडियन एन्डी स्मार्टको निधन
नेपाल प्रेस
२०८० जेठ ३ गते २०:३३
काठमाडौं । विश्व प्रसिद्ध कमेडियन एन्डी स्मार्टको निधन भएको छ । उनकी छोरी ग्रेसले सामाजिक संजालमार्फत ६३ वर्षीय स्मार्टको निधन भएको उल्लेख गरेकी हुन् ।
उनले लेखेकी छन्, ‘म अत्यन्तै दुःखका साथ तपाईंहरुलाई यो जानकारी गराउँदै छु कि हिजो अबेर राति बुवाको असामायिक निधन भएको छ । उहाँले जीवनकालमा धेरै साथीहरु कमाउनु भएको छ र एक अर्थपूर्ण जीवन व्यतीत गर्नु भएको छ । हामी सबैले उहाँको लागि कामना गरौँ ।’
८० को दशकदेखि कमेडी क्षेत्रमा सक्रिय एन्डी आफ्नो ‘इम्प्रोभ’ शैलीका लागि प्रख्यात छन् । मृत्यु हुनु आगाडिसम्म उनले हप्ताको दुई पटक लण्डनका विभिन्न स्थानहरुमा आफ्नो प्रस्तुती दिदै आइरहेका थिए ।
उनले सन् १९८४ को ‘टाइम आउट स्ट्रिट इन्टरटेनर’ अवार्डसमेत जितेका थिए ।
नेपाल प्रेस
प्रकाशित: २०८० जेठ ३ गते २०:३३
प्रतिक्रिया
सम्बन्धित खवर
