रास्वपा सांसद झाको प्रश्न- भ्रष्टाचारबारे उठेको प्रश्नको जवाफ पाउन अनसन बस्नुपर्ने हो ?

काठमाडौं । राष्ट्रिय स्वतन्त्र पार्टीका सांसद मनिष झाले सरकारले आफूहरूले उठाएका भ्रष्टाचारको सवालमा जवाफ नदिएको भन्दै असन्तुष्टि जनाएका छन् ।

मंगलबार प्रतिनिधिसभाको बैठकमा बोल्दै उनले भ्रष्टाचारबारे आफूहरूले उठाएको प्रश्नको जवाफ पाउन अनसन बस्नुपर्ने हो ? भन्दै प्रश्न गरे ।

उनले भने, ‘भ्रष्टाचारको कुरा हामी पटक पटक उठाउँछौं । सबैभन्दा अपेक्षा राखेर सदनमा उठाउँछौं । तर, जवाफ आउँदैन सरकार पक्षले यसको जवाफ दिँदैन । मैले यो सदनमा चार पटक जानकी मन्दिरको टायल र त्यहाँ विजुली बत्तीमा भएको भ्रष्टाचारको प्रसंग उठाएँ । जवाफ मागिसकेँ। सरकारले जवाफ दिँदैन । सत्ता पक्षकै सांसद अनसनमा बस्नुपर्ने बाध्यात्मक अवस्थामा के हामीलाई पनि त्यही सन्देश दिन खोजेको हो सरकारले ?’

अनसन बसेर जवाफ पाउने भए आफूहरू तयार रहेको समेत बताए ।