मकवानपुरमा बसको ठक्करबाट एकजना वृद्धाको मृत्यु

हेटौंडा । मकवानपुरको मनहरीमा बसको ठक्करबाट एकजना वृद्धाको मृत्यु भएको छ ।

गएराति पूर्व-पश्चिम राजमार्गअन्तर्गत मकवानपुरको मनहरी- ६ नयाँबस्तीमा गौरबाट काठमाडौं जाँदै गरेको ना५ख १७४० नम्बरको यात्रुबाहक बसले ठक्कर दिँदा स्थानीय मनहरी- ७ सुनाचुरीकी ७१ वर्षीया मनमाया थिङको मृत्यु भएको प्रहरीले जनाएको छ ।

प्रहरीका अनुसार बसको ठक्करबाट गम्भीर घाइते भएकी थिङलाई उपचारको लागि हेटौंडा अस्पताल ल्याउँदा डाक्टरले मृत घोषणा गरेका थिए ।

ठक्कर दिने बस चालकलाई इलाका प्रहरी कार्यालय खैरहनी चितवनले नियन्त्रणमा लिएको जिल्ला प्रहरी कार्यालय मकवानपुरले जनाएको छ ।