ओलीको गुनासो- युट्युब खोल्न पनि कुनामा जानुपर्छ, के आउने हो भनेर डराउनुपर्छ

काठमाडौं । नेकपा (एमाले) का अध्यक्ष केपी शर्मा ओलीले नेपालमा छाडापन बढेको टिप्पणी गरेका छन् । नेपालमा जस्तो छाडापन कहीँ नभएको उनको भनाइ छ ।

राष्ट्रिय जनसांस्कृतिक महासंघद्वारा आयोजित कार्यक्रमलाई सम्बोधन गर्दै उनले भने, ‘आज दुनियाँमा यहाँ जस्तो छाडापन कहीँ नहोला । युट्युब खोल्न सकिँदैन । खोल्न पर्यो भने एकान्त कुनामा जानुपर्छ। के आउने हो भनेर डराउनुपर्छ ।’

उनले अहिलेको समाज विकृतितर्फ भासिँदै गएको बताए ।