२०० मिटर बट्टरफ्लाईमा नयना शाक्यको रेकर्ड तोड्दै षष्टिकाको राष्ट्रिय कीर्तिमान

काठमाडौं । नेपाल पौडी संघको आयोजनामा आजदेखि सुरू एनएससी कप पौडी प्रतियोगितामा षष्टिका भण्डारीले राष्ट्रिय कीर्तिमान बनाएकी छन् ।

उनले आइतबार बिहान सातदोबाटोस्थित अन्तर्राष्ट्रिय खेलकुद परिसरमा भएको २०० मिटर बट्टरफ्लाईको हिटमा नयना शाक्यले सन् २००४ मा बनाएको ३ मिनेट ०९.९१ सेकेन्डको रेकर्ड तोड्दै निर्धारित दूरी ३ मिनेट ०६.४५ सेकेन्डमा पूरा गरिन् ।

१८ वर्षीया सष्टिका भण्डारी थाइल्याण्डको युडब्लुसी कलेजमा आइबी ११ कक्षाकी विद्यार्थी हुन् । उनले काठमाडौंको जेभियर इन्टरनेशल स्कुलबाट ४ जिपिए ल्याएर एसइई पास गरेकी थिइन् ।

आज र भोली हुने प्रतियोगिता आगामी सेप्टेम्बरमा चीनको होन्जावमा हुने एसियन गेम्सको छनोटको रूपमा लिईएको छ ।