राइजिङ स्टार टेनिस यू-१४ प्रतियोगिता: बोरिस अधिकारी र शिभाली गुरुङलाई स्वर्ण पदक

काठमाडौं । ललितपुरमा जारी प्रथम राइजिङ स्टार खुला टेनिस प्रतियोगिताको यू-१४ सिंगल्समा बोरिस अधिकारी र शिभाली गुरुङले शुक्रबार स्वर्ण पदक जितेका छन् ।

बोरिस ब्वाइज तथा शिभाली गर्ल्समा पहिला भएर स्वर्ण जितेका हुन् । सातदोबाटोस्थित टेनिस कोर्टमा भएको ब्वाइज फाइनलमा बोरिसले वृजेश अर्याललाई ६-२ र ७-६ को सोझो सेटमा पराजित गरे ।

गर्ल्सको उपाधि भिडन्तमा शिभालीले स्वस्तिका विष्टलाई सीधा सेटमा ६-० र ६-१ ले पराजित गरेकी थिइन् ।

नेपाल टेनिस संघको प्राविधिक सहयोगमा सञ्चालित प्रतियोगिताको अन्तिम दिन शनिबार उक्त स्पर्धाको फाइनलसँगै पुरुष/महिला सिंगल्सको पनि फाइनल हुने आयोजकले जनाएको छ ।