अखिलले जित्यो काभ्रे युवा फुटसलको उपाधि

बनेपा । बनेपामा सम्पन्न खुल्ला राष्ट्रिय फुटसल प्रतियोगिताको उपाधि अनेरास्ववियु काभ्रेले जितेको छ । धुखमी धुलिखेल समूहलाई हराउँदै अनेरास्ववियु टिमले नगद ५० हजारसहित ट्रफी, मेडल र प्रमाणपत्र प्राप्त गरेको छ ।

उप विजेता धुखमी समूहले नगद २५ हजारसहित मेडल र प्रमाणपत्र प्राप्त गरेको छ ।

विजेता तथा उपविजेता टिमलाई एमाले अध्यक्ष अशोक व्याञ्जु, युवा संघका उपाध्यक्ष अमित लामा, युवा संघका अध्यक्ष ईश्वर बल्भ सापकोटा लगायतले बधाई ज्ञापन गरेका थिए । युवा संघले एमाले जिल्ला कमिटी, प्रेस चौतारी नेपाल, अनेरास्ववियु लगायतसँग मैत्रीपूर्ण फुटसल आयोजना गरेको थियो ।

शुक्रवार प्रतियोगिताकाे उद्घाटन एमाले नेता गाेकुल बास्काेटाले गरेका थिए ।