बाढीका कारण सबैभन्दा क्षति पाँचथरमा

विराटनगर । अविरल वर्ष पछि आएको बाढी र पहिरोका कारण कोशी प्रदेशका विभिन्न जिल्लाको सडक यातायात विच्छेद भएको छ ।

बाढी र पहिरोका कारण कोशी मेची राजमार्गको पाँचथर ताप्लेजुङ खण्ड अवरुद्ध भएको छ । यस्तै तमोर कोरिडोर पनि बन्द भएको छ ।

बाढी र पहिरोका कारण पुल झोलुङ्गे पुलहरू समेत बगाउँदा पाँचथर, ताप्लेजुङ र सङ्खुवासभाका विभिन्न पालिकाहरूको सदरमुकाम आउन जान समस्या भएको छ ।

बाढी र पहिरोका कारण सडक पूर्वाधारमा सबैभन्दा बढी पाँचथरमा भएको आन्तरिक मामिला तथा कानुन मन्त्रालय कोशी प्रदेशले जनाएको छ । बाढीका कारण पाँचथरमा मात्रै १५ भन्दा बढी साना ठुला पुलहरू बगाएका छन् ।

सङ्खुवासभामा २ वटा मोटरेवल पुल र २ वटा झोलुङ्गे पुलमा पूर्ण रूपमा क्षति भएको छ । आन्तरिक मामिला तथा कानुन मन्त्रालय कोशी प्रदेशका अनुसार बाढी र पहिरोका कारण सङ्खुवासभामा २० जना मानिसहरू सम्पर्क विहीन भएका छन् । भने पाँचथरमा ५ जना सम्पर्क विहीन भएका छन् ।

कुन कुल पुल बगायो ?

१. पाँचथर फिदिम नगरपालिका र हिलिहाङ गाउँपालिका बिचमा स्थित ताप्लेजुङ तर्फ जाने मेची राजमार्गमा पर्ने हेवाखोला पक्की पुल।

२. फालेलुङ गापा ३ र ७ को बिचमा फरक स्थानमा रहेका २ वटा हेवाखोलाको पक्की पुल

३. पाँचथर फिदिम नपा ४ र हिलिहाङ गापा ७ जोड्ने तमोर कोरिडोर अन्तर्गत रहेको पक्की बेली ब्रिज

४.फिदिम ११ र हिलिहाङ ७ जोड्ने माउन्टेन हाइड्रोको पावर हाउस जोड्ने पक्की पुल ।

५  याङवरक गापा ४ र ताप्लेजुङको सिदिङ्वा गापा ४ जोडने पक्की पुल,

६. फालेलुङ गापा ३ र ५ को सिमानामा पर्ने हेवा खोलाकी झोलुङ्गे पुल

७. याङवरक गापा २ मध्य पहाडी राजमार्गमा पर्ने चिया भन्ज्याङ जाने दोभाने पक्की पुल

८. याङवरक गापा २ बेसीबाट नाम्ब्रेक जाने झोलुङ्गे पुल

९. याङवरक गापा १ मुरुङवा खोलाको एकराते जाने झोलुङ्गे पुल

१०. याङवरक गापा १ नाक दह जाने पेरुङगे झोलुङ्गे पुल

११. याङवरक गापा १ कोठेसामु बिरुवा जाने झोलुङ्गे पुल

१२. याङवरक गापा १ च्याङथापुबाट ठिङ्गे पुर जाने झोलुङ्गे पुल

ताप्लेजुंग

१. ताप्लेजुङको सिरिजंगा गापा वडा नं ७ जोड्ने सुरुमखिमस्थित तावा खोलामा खेवाङ बाट याम्फुदिन तर्फ जोखिममा रहेको ।

२. सिरिजंगा गापा ७ केराबारी काईम्बास्थितमा रहेको तावा खोलामा बनाएको झोलुङ्गे पुल बगाएको ।