ग्रामीण सडक सुधार आयोजनाका तीन कर्मचारी घुससहित पक्राउ

काठमाडौं। अख्तियार दुरुपयोग अनुसन्धान आयोगको टोलीले ग्रामीण सडक सुधार आयोजनाका तीन कर्मचारीलाई ४ लाख रुपैयाँ घुससहित दमकबाट पक्राउ गरेको छ।

ग्रामीण सडक सुधार आयोजना, आयोजना कार्यान्वयन इकाई दमकमा कार्यरत आयोजना व्यवस्थापक हुतराज चौहान, इन्जिनियर रवीन्द्रकुमार शर्मा र लेखापाल हिमाल पौडेललाई रंगेहात पक्राउ गरिएको अख्तियारले जनाएको छ।

सडक निर्माण कार्यको अन्तिम बिल भुक्तानीका लागि सहजीकरण गरेबापत उनीहरूले घुस लिएको दाबी गरिएको छ।