गीतकार थापाको ‘हेर्दा हेर्दै अन्माएर’मा विजय र सोनीको अभिनय (भिडिओ)

काठमाडौं । गीतकार हिराकाजी थापाको शब्दमा तयार ‘हेर्दा हेर्दै अन्माएर’ बोलको गीतको भिडिओ सार्वजनिक भएको छ । प्रेम र विरहले भरिएको गीतमा गायक गोपाल सोनामको स्वर रहेको सार्वजनिक गीतमा ओम सुनारको एरेन्ज तथा संगीत गरेका छन् ।

भिडिओमा आफूलाई भन्दा बढी माया गरेकी प्रेमीकाले धोका र त्यसले पारेको प्रभावलाई दर्शाइएको छ ।

प्रेम, रोमान्स र विरहले भरिएको सार्वजनिक गीतको भिडिओमा पछिल्लो पुस्ताका लोकप्रिय मोडलद्धय बिजय पुन मगर र सोनी ढुंगानाको अभिनय रहेको छ ।

लामो समयको बेलायत बसाईपछि करिब ३ महिनाको नेपाल बसाईका क्रममा गीतकार थापाले आफ्नै निर्देशनमा तयार पारेको भिडिओ रिलिज गरेसँगै राम्रो प्रतिक्रिया आइरहेको निर्देशक तथा गीतकार थापा बताउँछन् ।

बेलायतबाट भर्चुअल माध्यमबाट करिब दर्जन बढी भिडिओ निर्देशन गरिसकेका निर्देशक थापा नेपालमा नै आएको समयमा निरन्तर भिडिओ निर्देशनलाई निरन्तरता दिइरहेका बेला हेर्दा हेर्दै अन्माएर बोलको गीतको भिडिओ बजारमा आएको हो । जसमा देव दोर्जे लामाको छायांकन, साजन शाहको मिक्सिङ मास्टरिङ तथा नबिन निरौलाको कलर तथा सम्पादन रहेको छ ।

नृत्य निर्देशक प्रमोद भण्डारी सल्लाहकार रहेको सार्वजनीक गीतको भिडियो गीतकार तथा निर्माता एवंम निर्देशक थापाकै अफिसियल च्यानलबाट बजारमा बजारमा आएको हो ।

भिडिओः