मिस्टर नेपालमा भिड्दै डाक्टरदेखि चार्टर्ड एकाउन्टेन्टसम्म (तस्विरहरु)

काठमाडौं । ‘मिस्टर नेपाल २०२३’ को अन्तिम स्पर्धाका लागि २० प्रतियोगी छानिएका छन् । देशभरका हजारौं सहभागीबाट पहिलो चरणका लागि ३०० प्रतियोगी छानिएका थिए । जसबाट अन्तिम स्पर्धाका लागि उत्कृष्ट २० छानिएका हुन् ।

छानिएका प्रतियोगीतमा डाक्टर, इञ्जिनियर, पाइलट, चार्टड एकाउन्टेन्टलगायत विभिन्न प्रतिष्ठित पेशासँग आवद्ध रहेका छन् ।

छानिएका २० प्रतियोगीमा निमेष कपाली (काठमाडौं), राजन ऐयर (महेन्द्रनगर), असिम लामिछाने (भक्तपुर), रोहित भाट (कञ्चनपुर), रोहिम धौभडेल (भक्तपुर), समर्पण कार्की (मोरङ), लोकेश प्रधानाङ्ग (ललितपुर), रिकेश प्रसाईं (झापा), विजय दुवाडी (चितवन) र राजीव तिवारी (गोर्खा) रहेका छन् ।

त्यस्तै अनुभव जोशी (ललितपुर), आयनराज चौधरी (सर्लाही), मिकाज कार्की (ललितपुर), डायमण्ड ढुंगाना (अछाम), रमननाथ गिरी (मोरङ), स्वप्निल अधिकारी (पोखरा), प्रेमकुमार यादव (जनकपुर), दीपेन्द्र शाही (पोखरा), क्रिशल श्रेष्ठ (काभ्रे), प्रवीण पाठक (झापा) रहेका छन् ।

छनोट भएका सबै प्रतियोगी फाइनल स्पर्धाका लागि अब प्रशिक्षणमा जुट्ने आयोजक नेक्स्ट मोडल्स नेपालका अध्यक्ष रवि धमलाले जानकारी दिए ।

प्रशिक्षणमा स्विमिङ, फुटबल, रक क्लाइमिङ, समाजसेवा, सर्ट हाइकिङ, क्याटवाक, व्यक्तित्व विकास, पब्लिक स्पिकिङलगायतका दर्जन बढी विषय समावेश छन् । ‘मिष्टर नेपाल’ नेपालमा आयोजना हुने पुरुषहरुको सबैभन्दा प्रतिष्ठित प्रतियोगिता हो । यसको छनोट चरणको अडिसन विराटनगर, जनकपुर, चितवन, बुटवल, पोखरा र काठमाडौंमा भएको थियो ।

१६ देखि ३२ वर्ष ननाघेका युवाहरुको सहभागिता रहने प्रतियोगितामा ५ फिट ८ इन्च माथि उचाइ भएका नेपाली नागरिक रहनुपर्ने प्रावधान छ । प्रतियोगिताको शीर्ष विजेताले ‘मिस्टर वर्ल्ड २०२३’ वा ‘मिस्टर ग्लोवल २०२३’ मा नेपालको प्रतिनिधित्वका साथै ५ लाख बराबरको पुरस्कार हात पार्नेछन् ।

नेक्स्ट मोडल्स नेपालकी प्रवन्ध निर्देशक यत्ना पाण्डेले युवाहरुको व्यक्तित्व विकास, आत्मविश्वास अभिवृद्धि, क्षमता उजागरलगायत नेतृत्वदायी क्षमता विकास गर्ने उद्देश्यले सन् २००१ देखि नियमित प्रतियोगिता आयोजना हुँदै आएको बताइन् । प्रतियोगिताको कोरियोग्राफर प्रशान्त ताम्राकार रहेका छन् ।

हेर्नुस् तस्विरहरु :