वेस्ट इन्डिजसँग नेदरल्यान्ड्सले ३७५ रनको लक्ष्य बराबरी गर्यो, सुपर ओभरमा ३० रन बनाएर खेल जित्यो

काठमाडौं । विश्वकप छनोटअन्तर्गत नेदरल्यान्ड्सले वेस्ट इन्डिजलाई सुपर ओभरमा हराएको छ । ३७५ रनको लक्ष्य बराबरी गरेपछि नेदरल्यान्ड्सले खेललाई सुपर ओभरमा पुर्यारएको थियो ।

सुपर ओभरमा सुरुमा ब्याटिङ गरेको नेदरल्यान्ड्सका लागि भान बिकले जेसन होल्डरलाई तीन छक्का र तीन चौका प्रहार गरेका थिए । सुपर ओभरमा वेस्ट इन्डिजले ८ रनमात्र जोड्न सक्यो।

त्यसअघि पहिला ब्याटिङ गरेको वेस्ट इन्डिजले निर्धारित ५० ओभरमा ६ विकेट गुमाएर ३७४ रन जोडेको थियो ।

वेस्ट इन्डिजका लागि निकोलास पुरान एक्लैले अविजित एक सय ४ रन जोडेका थिए । ब्रेन्डन किङले ७६, जोनसन चार्ल्सले ५४, साई होपले ४७ र किमो पलले ४६ रन बनाएका थिए ।

विशाल लक्ष्य बराबरी गर्नेक्रममा नेदरल्यान्ड्सका तेजा निदामानुरुले एक सय ११ र कप्तान तथा विकेटकिपर स्कट एडवार्ड्सले ६७ रन बनाएका थिए । उनीहरुबीच पाचौँ विकेटका लागि १४३ रनको साझेदारी भएको थियो । नेदरल्यान्ड्सलाई अन्तिम ओभरमा ९ रन चाहिएकामा ८ रन जोडेर २ विकेट गुमाएको थियो ।