गिरिजाबाबु जे बोल्नुहुन्थ्यो त्यो पूरा गर्नुहुन्थ्यो : शशांक कोइराला

काठमाडौं । नेपाली कांग्रेसका केन्द्रीय सदस्य डा. शशांक् कोइरालाले गिरिजाप्रसाद कोइरालामा जस्तो निर्णय गर्ने क्षमता सबै नेतामा नहुने दाबी गरेका छन् ।

स्व गिरिजाप्रसाद कोइरालाको १०० औँ जन्मजयन्तीका अवसरमा बिपी कोइराला युवा नेतृत्व मञ्चले आयोजना गरेको रक्तदान कार्यक्रममा गिरिजाबाबु अदम्य साहस र निर्णय क्षमता भएको बताए ।

उनले भने, ‘गिरिजाबाबुको जस्तो निर्णय क्षमता सबैमा हुँदैन, उहाँ जे बोल्नुहुन्थ्यो त्यो पूरा गर्नुहुन्थ्यो । उहाँकै कारण दोस्रो जनआन्दोलन सफल भएको हो । दोस्रो जनआन्दोलन र संघीय लोकतान्त्रिक गणतन्त्र गिरिजाबाबुका कारण सम्भव भएको हो ।’