थाहा पाउनुहोस्, आजबाट प्रतिलिटर पेट्रोलको कति पर्छ ?
नेपाल प्रेस
२०८० असार १९ गते ६:३१
काठमाडौं । नेपाल आयल निगमले पेट्रोलियम पदार्थको मूल्य घटाएको छ ।
सोमबार बसेको निगमको बैठकले आज राति १२ बजेदेखि लागु हुने गरी पेट्रोलियम पदार्थको मूल्य घटाएको हो ।
निगमले काठमाडौं‚ पोखरा र दिपायलमा पेट्रोल, डिजेल र मट्टितेलमा प्रतिलिटर ५र५ रुपैयाँ मूल्य घटाएको छ ।
त्यस्तै तराईको हकमा प्रतिलिटर साढे ७ रुपैयाँ घटाएको छ भने सुर्खेत र दाङमा प्रतिलिटर ६ रुपैयाँका दरले घटाएको निगमले जनाएको छ ।
त्यस्तै हवाई इन्धनको मूल्य पनि घटेको छ । आन्तरिक हवाई इन्धनको मूल्य प्रतिलिटर १४ रुपैयाँ तथा बाह्य इन्धनको मूल्य १५ रुपैयाँले घटेको निगमले जनाएको छ ।
निगमले खाना पकाउने एलपी ग्यासको मूल्य भने यथावत् राखेको छ ।
नेपाल प्रेस
प्रकाशित: २०८० असार १९ गते ६:३१
प्रतिक्रिया
सम्बन्धित खवर
