४ हजार धरौटीमा छुटे उपभोक्ता समिति अध्यक्ष कुटेको आरोपमा पक्राउ परेका वडाध्यक्ष गुरुङ
नेपाल प्रेस
२०८० असार २३ गते २१:४२
पोखरा। उपभोक्ता समितिका अध्यक्षलाई कुटपिट गरेको आरोपमा पक्राउ परेका माछापुच्छ्रे गाउपालिका ८ का वडाध्यक्ष राम गुरुङ धरौटीमा रिहा भएका छन् ।
गुरुङ ४ हजार रुपैयाँ धरौटी बुझाएर रिहा भएको जिल्ला प्रहरी कार्यालय कास्कीले जनाएको छ ।
वडाध्यक्ष गुरुङले हातपात गरेको भन्दै उपभोक्ता समितिको अध्यक्ष अमृत भण्डारीलेले जिल्ला प्रहरी कार्यालयमा उजुरी दिएका थिए । उजुरीको आधारमा वडाध्यक्ष गुरुङलाई बुधबार प्रहरीले पक्राउ गरेको थियो ।
कांग्रेसबाट वडाध्यक्ष बनेका गुरुङले उपभोक्ता समितिको अध्यक्ष अमृत भण्डारीलाई हातपात गरेको भन्दै नेकपा एमाले माछापुच्छ्रे ७ र ८ वडा कमिटीले मंगलबार वडा कार्यालयमा तालाबन्दी गरेको थियो । तर, जाहेरी दर्ता भएपछि एमालेले वडा कार्यालय लगाएको ताला बुधबार खोलेको थियो ।
नेपाल प्रेस
प्रकाशित: २०८० असार २३ गते २१:४२
प्रतिक्रिया
सम्बन्धित खवर
