किशोरसँग यौनजन्य तस्बिर खरिद गरेकोमा बीबीसीसँग बेलायती प्रहरीले बयान लिने

काठमाडौं । बेलायतको चर्चित विश्व च्यानल बीबीसीका एक प्रस्तोताले किशोरसँग यौनजन्य तस्बिर लिन पैसा दिएको खुलासा भएसँगै बेलायती प्रहरीले बीबीसीको बयान लिने भएको छ ।

बेलायती अखबार दि गार्डियनका अनुसार बीबीसीमा काम गर्ने एक चर्चित प्रस्तोताले एक कार्यक्रम बनाउने क्रममा १७ वर्षका किशोरसँग ३५ हजार बढि पाउण्ड तिरेको पाइएपछि उनी निकालामा परेका थिए ।

बेलायतको कडा गोपनियता नियमको कारणले उक्त प्रस्तोताको नाम सार्वजनिक नभएको गार्डियनले उल्लेख गरेको छ । बेलायती प्रहरीले सोमबार बीबीसीको बयान लिने बताइएको छ । बेलायतमा यौन सम्बन्धको सहमति उमेर १६ भएपनि गोप्य तस्बिर पठाउन स्वीकृत उमेर भने १८ भएको गार्डियनले उल्लेख गरेको छ ।

तस्बिर पठाउने किशोरकी आमाले मे महिनामै यो मुद्दा उठाएकी थिइन् । तर, सुनुवाइ भएको थिएन । गत हप्ता बेलायती ट्याब्लोइट दि सनमा उनको सामाग्री प्रकाशन भएसँगै भने बीबीसी प्रस्तोता निष्कासनमा परेका थिए । किशोरकी आमाका प्रिय प्रस्तोताले नै त्यस्तो गरेको पाइएको भन्दै उनले दि सनमा अन्तरतार्वा दिएकी थिइन् ।