अनाथ आश्रममा दिवाभोज खुवाउँदै सांसद एलपी साँँवाले मनाए जन्मदिन

काठमाडौं । पछिल्लो समय नेताहरुको जन्मदिन पनि उत्सवका रुपमा मनाउने चलन बढिरहेका बेला नेकपा एमालेका सांसद तथा राष्ट्रिय उद्योग व्यवसायी महासंघका अध्यक्ष एलपी साँवा लिम्बुले भने फरक ढंगले जन्मदिन मनाएका छन् ।

झापा ४ बाट निर्वाचित सांसद लिम्बुले आफ्नो जन्मदिन अनाथ आश्रममा मनाएका छन् । बुढानिलकण्ठ नगरपालिका वडा नम्बर–४ मा रहेको पवित्र सेवा समाजमा उनले अनाथ बालबालिका र वृद्धवुद्धालाई खानपीन र अन्य सहयोग गरेर साँवाले असार २७ गते यस वर्षको जन्मदिन मनाएका हुन् ।

विभिन्न स्कूल र कलेजमा पढ्ने बालबालिका तथा किशोर किशोरीहरु यो आश्रममा बस्ने गरेका छन् । साँवा र पत्नी मनिषाले आश्रितहरुलाई खाना खुवाएर जन्मदिन मनाएको आश्रम सन्चालक दिक्षा चापागाईले जानकारी दिइन् ।