नहरमा डुबेर जना बेपत्ता, एकको जीवितै उद्धार
नेपाल प्रेस
२०८० असार २८ गते ७:२२
सांकेतिक तस्विर
विराटनगर । मोरङको जहदा गाउँपालिका–३ मा नहरमा डुबेर एक जना बेपत्ता भएका छन् ।
एक जनाको जीवितै उद्धार गरिएको छ । नहरमा पौडी खेल्ने क्रममा नहरमा डुबेर भारतको बिहार सिनुवारी घर भइ जहदामा बस्दै आएका २० वर्षीय गणित राजवंशी बेपत्ता भएका हुन् ।
गणित जहदा–३ स्थित मामा घरमा बस्दै आएका थिए । उनी जहदा–३ का १८ वर्षीय दीपेश राजवंशीसँग पौडी खेल्न नहरमा छिरेका थिए ।
मोरङ प्रहरीका प्रवक्ता रन्जन कुमार दाहालले प्रहरी चौकी मझारेबाट खटिएको टोलीले स्थानीयको सहयोगमा दीपेशलाई भने सकुशल उद्धार गरेको छ ।
जीवितै उद्धार गरिएका उनको अवस्था सामान्य रहेको डीएसपी दाहालले बताए ।
नेपाल प्रेस
प्रकाशित: २०८० असार २८ गते ७:२२
प्रतिक्रिया
सम्बन्धित खवर
