राजेशको ‘झल्को ज्यानकै आउने’ मा इन्द्र र उषाको रोमान्स

काठमाडौं । गायक राजेश राईको ‘झल्को ज्यानकै आउने’ बोलको गीतको भिडिओ सार्वजनिक भएको छ । यस गीतमा दुर्लभ जन्तरेको शब्द, राजु सेन्चुरीको संगीत तथा सुबिन सेन्चुरीको संगीत संयोजन रहेको छ । एक प्रेमील जोडीको चोखो माया हुँदा हुँदै पनि मायालुबाट बिछोडिनु पर्दा प्रेमीको विरहलाई कथामा देखाइएको छ ।

म्युजिक भिडिओमा इन्द्र खरेल, उषा उप्रेती र दुर्लभ जन्तरेको अभिनय देख्न सकिन्छ । पवन सुस्लिङको छायांकन र सम्पादन रहेको भिडिओ गायक राईकै अफिसियल च्यानलबाट सार्वजनिक गरिएको हो । राजेशका यसअघि तोडियो तोडियो, कालो कालो अर्खौले बजारलगायतका भिडिओ बजारमा आइसकेको छ ।

उनी सिङ्गिङ सुपर स्टार सिजन-१ का विजेता समेत हुन् ।