पार्टी बैठकमा गगनलाई जवाफ- नेतृत्व परिवर्तनको एजेण्डा बेमौसमी बाजा मात्रै हो (भिडिओ)

काठमाडौं । नेपाली कांग्रेसकी केन्द्रीय सदस्य उर्मिला नेपालले महामन्त्री गगन थापाले उठाएको नेतृत्व परिवर्तनको एजेण्डालाई बेमौसमी बाजाको संज्ञा दिएकी छन्। केन्द्रीय समितिको बैठकमा आफ्नो धारणा राख्दै उनले यस्तो बताएकी हुन्।

उनले भनिन्, ‘नेतृत्व परिवर्तनको कुरा बेमौसमको बाजा हो। हामीले हामीले अधिवेशन सकेका छौँ। यो सकेको धेरै समय भएको छैन। हामीले नेतृत्व जसलाई सुम्पिएका छौँ। हामीले विधान अनुसार नै उहाँलाई जिम्मेवारी दिएका हौँ। उहाँलाई काम गर्न दिनुपर्छ के कारणले नेतृत्व परिवर्तनको कुरालाई उठाउनुभयो ?’

उनले कांग्रेसलाई यो बैठकबाट गुटमुक्त बनाएर जाने विश्वास व्यक्ति गरिन्। पार्टी सभापति शेरबहादुर देउवाकै कारणले राष्ट्रपति, चार वटा मुख्यमन्त्री र सरकारमा जान सफल भएको बताइन्। गठबन्धनकै कारणले पहिलो पार्टी बन्न सफल भएको उनको भनाइ छ।