सर्टगनको १९ राउन्ड गोलीसहित भारतीय नागरिक वीरगञ्जबाट पक्राउ

काठमाडौं । प्रहरीले पर्साको वीरगञ्जबाट सर्टगनको १९ राउन्ड गोलीसहित एक भारतीय नागरिकलाई पक्राउ गरेको छ । पक्राउ पर्नेमा भारतको बिहारका २२ वर्षीय मुरारीकुमार कुशवाहा रहेका छन् ।

उनलाई आइतबार राति भानुचोकबाट नियन्त्रणमा लिइएको पर्सा प्रहरीले जनाएको छ । प्रहरीका अनुसार मुरारीको साथबाट १२ शक्तिमान १२ एक्सप्रेस लेखिएको सर्ट गनको १५ राउन्ड गोली र केएफ १२ लेखिएको सर्ट गनको ३ राउन्ड गोली तथा १२ केएफ १२९६ लेखिएको सर्टगनको एक राउन्ड गोली बरामद भएको छ ।

घटनाबारे अनुसन्धान भइरहेको प्रहरीले जनाएको छ ।