नेप्सेमा आज पनि गिरावट

काठमाडौं । साताको तेस्रो दिन सेयर बजारमा ३६ अंकको गिरावट आएको छ ।

सोमबार मात्रै २६ अंकले घटेको नेप्से परिसूचक आज ३६.१९ अंकले घटेर २१६४.३१ बिन्दुमा कायम भएको छ । यसदिन बजारमा ७७ लाख १६ हजार २७७ कित्ता सेयरको खरिदबिक्री हुदाँ २ अर्ब १० करोड ७३ लाख ३२ हजार ४१८ रुपैयाँको कारोबार भएको छ ।

त्यस्तै, आजको कारोबारमा किसान लघुवित्त वित्तीय संस्थाको सेयर सकारात्मक सकिर्ट लेबलमा कारोबार भएको छ । भने नबिल डेबेन्चर २०८५, पिबीढब्लू लघुवित्त वित्तीय संस्था र सानिमा डेबेन्चर २०८७ ले सर्वाधिक घाटामा रहेका छन् । कारोबारका आधारमा आज सोल्टी होटल्स १५ करोड २७ लाख ७९ हजार ७४ रुपैयाँको कारोबारका साथ शिर्ष स्थानमा रहेको छ ।

मंगलबार बजार पूँजिकराण ३१ खर्ब ८० अर्ब रुपैयाँ रहेको छ ।