अमेरिकामा मेस्सीको उच्च लय, मियामीका लागि दोस्रो खेलमा २ गोल र एक असिस्ट
नेपाल प्रेस
२०८० साउन १० गते ११:३०
न्युयोर्क। लियोनल मेस्सीको शानदार प्रदर्शनमा इन्टर मियामीले लिग्स कपमा बुधवार बिहान एटलान्टा युनाइटेडलाई ४-० गोलले हराएको छ।
घरेलु मैदानमा भएको खेलमा मेस्सीले २ गोल र एक असिस्ट गरे। उनले ८ औँ मिनेटमा इन्टर मियामीलाई अग्रता दिलाएका थिए।
मेस्सीकै गोलमा घरेलु टोलीले २२ औँ मिनेटमा अग्रता दोब्बर बनाएको थियो। त्यसपछि रोबर्ट टेलरले २ गोल गरे। त्यसमध्ये एक गोलमा मेस्सीको असिस्ट रहेको थियो।
मेस्सीले मियामीका लागि २ खेल खेल्दै ३ गोल गरेका छन्।
यसअघि पहिलो खेलमा मेस्सीले दोस्रो हाफको इन्जुरी समयमा शानदार फ्री किक गोल गरेपछि मियामीले रोमाञ्चक जित हात पारेको थियो।
नेपाल प्रेस
प्रकाशित: २०८० साउन १० गते ११:३०
प्रतिक्रिया
सम्बन्धित खवर
