एनसेलले ल्यायो ‘बिन्दास डेटा प्याक’

काठमााडौं । एनसेल आजियाटा लिमिटेडले प्रयोगको समयमा आधारित अफर ‘बिन्दास डेटा प्याक’ ल्याएको छ ।

नयाँ प्याकमा ग्राहकले करसहित ७५ रुपैयाँमा ३ दिनसम्म कुनै डेटा भोल्युम सीमाविना कुल ५ घण्टाको लागि अनलिमिटेड डेटा पाउनेछन् ।

ग्राहकले एष्ट्रिक्स १७१२३ एष्ट्रिक्स ३ ह्यास डायल गरी नयाँ प्याक लिन सक्नेछन् । त्यसैगरी एनसेल एप, एनसेलको वेबसाइट र नजिकैको एनसेलको आधिकारिक खुद्रा बिक्रेताबाट पनि प्याक लिन सकिने कम्पनीले जनाएको छ ।

सुलभ दरमा निश्चित अवधिका लागि डेटा सेवा आवश्यक रहेका ग्राहकहरुका लागि यो बिन्दास डेटा प्याक उत्तम विकल्प हुने एनसेलले जनाएको छ ।

त्यसैगरी कम्पनीले बिन्दास भ्वाइस प्याक पनि सार्वजनिक गरेको छ । जसमा ग्राहकहरूले करसहित मात्र २५ रुपैयाँमा १२ घण्टा (बिहान ५ देखि साँझ ५ बजेसम्म) कुनै पनि नेटवर्कमा कुराकानी गर्न मिल्ने टक टाइम लिन सक्नेछन् ।