देश बनाउने कुरामा हामी इमानदार बन्न सकेनौं: माधव नेपाल (भिडिओ)

काठमाडौं । नेकपा एकीकृत समाजवादीका अध्यक्ष माधवकुमार नेपालले देश बनाउने कुरामा कोही पनि बन्नुपर्ने जति इमानदार बन्न नसकेको बताएका छन् ।

अनेरास्ववियू काठमाडौं जिल्ला कमिटीद्वारा आयोजित कार्यक्रमलाई सम्बोधन गर्दै उनले देशमा धेरै समस्याहरु भएको बताए ।

उनले भने, ‘त्यो समस्यामध्ये पहिलो भनेको हामी बन्नुपर्ने जति इमानदार बन्न सकेका छैनौं । हामी देश बनाउने भावनाले ओतप्रोत भइसकेका छैनौं । हामी आफूलाई मात्रै केन्द्रविन्दुमा राख्ने गरेका छौं । देश र जनतालाई केन्द्रविन्दुमा राख्न सकेका छैनौं । देश र नेपाली स्वतन्त्रतामा आँच आयो भने त्यो स्वीकार्य हुँदैन ।’

उनले धेरै ठूलो मेहनत गरेर बनाएको संविधानले धेरै अधिकार दिएको बताए । संविधानमा लेखिएको कुनै कुरामा कमी नभए पनि कार्यान्वयनमा समस्या भएको उनको भनाइ छ ।