ग्लोबल टी २० लिग : दीपेन्द्र आवद्ध मोन्टरियल टाइगर्सले ब्यहोर्यो ९ विकेटको हार
नेपाल प्रेस
२०८० साउन १७ गते ७:०२
काठमाडौं । दीपेन्द्रसिंह ऐरी आबद्ध मोन्टरियल टाइगर्सले ग्लोबल टी २० लिगमा ९ विकेटको हार ब्यहोरेको छ ।
बिहान सम्पन्न खेलमा दीपेन्द्रले दोस्रो ठूलो स्कोर २४ रन बनाए पनि टीमले ठूलो हार ब्यहोर्यो ।
टाइगर्सले १८.३ ओभरमा जम्मा ९९ रन मात्रै बनाउन सक्यो । टीमका लागि मोहम्म वासिमले सर्वाधिक २८ रन बनाएका थिए ।
यसैगरी दिलप्रित सिंहले १४ रन बनाउँदा आन्द्रे रसेलले १२ रन मात्रै बनाए ।
टाइगर्सलाई रोक्ने क्रममा भानकुभरको रुवेन ट्रम्पम्यान र जुनेद सिद्दिकीले तीन तीन विकेट लिँदा क्रोविन बोस्चले २ विकेट हात पारे ।
१०० रनको सामान्य रनको लक्ष्य पछ्याएको भानकुभरले १४.५ ओभरमा मात्र १ विकेट गुमाएर पूरा गरेको हो ।
रिजवानले नटआउट ६८ रन बनाउँदा बोस्चले २८ रनको पारि खेले । मोन्टरियलका आन्द्रे रसेलले १ विकेट लिए । बलिङमा भने दीपेन्द्रले मौका पाएनन् ।
नेपाल प्रेस
प्रकाशित: २०८० साउन १७ गते ७:०२
प्रतिक्रिया
सम्बन्धित खवर
