दोलखा गौरीशंकरमा पहिरोले घर बगाउँदा ४ जना बेपत्ता, ३ घाइते
नेपाल प्रेस
२०८० साउन १९ गते १०:०४
प्रतीकात्मक तस्वीर
काठमाडौं । दोलखा गौरिशंकर गाउँपालिकामा पहिरोमा परी ४ जना बेपत्ता भएका छन् । वडा नम्बर ८ सल्ले र गोपाटारमा केही घर बगाउँदा उनीहरू बेपत्ता भएको वडाध्यक्ष दावारेन्जी शेर्पाले नेपाल प्रेसलाई बताए ।
गएरातिदेखि परेको पानीसँगै बिहान ६ बजेतिर पहिरो खसेको हो । पहिरोबाट ३ जना घाइते भएका छन् । बेपत्ता र घाइते दुई परिवारका रहेको शेर्पाले जानकारी दिए ।
पहिरोबाट केही घर विस्थापित भएका छन् । सडक र पुलमा पनि क्षति पुगेको उनले बताए ।
अहिले घाइतेको उद्धार र बेपत्ताको खोजीका लागि प्रहरी र स्थानीय जुटेका छन् ।
नेपाल प्रेस
प्रकाशित: २०८० साउन १९ गते १०:०४
प्रतिक्रिया
सम्बन्धित खवर
